Optocht
moandjig 16 fubberwaarie 2026.

Wè van'e Road van Ellef wille uch, Bokkeriejers en Bokkeriejerinnekes, dan auch verzeuke om dit joâr weer in groeëte getaale mèt te doôn. Dus loatj eur gedachte en ideeje de vrieje laûp en begintj weer mèt sleutele, haamere, neegele, knippe en sjildere. Asj gè goatj beginne, sjrieftj uch dan auch geliêk in, dan koôme wè biej uch langs om te kieke of wè mesjien nog wat veur uch kinne beteîkene, of anges om get sjaele zeiver te verkaûpe.