proogramma-2024

Bèste Bokkeriejers en Bokkeriejerinnekes en anger Vasteloâvendjveerders,

VorstTen ieërste welkom op’e saajt van De Bokkeriejers oet Tungelder. Hiej kintj gè bekieke wat wè koomendj Vasteloâvendjsezoên veur uch in petto hebbe en neteurlek trögk kieke op waat d’r al is gewaestj. Kiektj mer ins noa ‘n aantal fotoos van’e aafgelaupe joare dan kotj gè tot’e konklusie det wè unne hieële sjoeëne Vasteloâvendj hebbe in oos Bokkeriêk.

Woeë veur mich ‘n noew begîn liktj is d’r âl ‘n hieële historie doôr De Bokkeriejers gesjreeve. Dees bende veertj al biej joar en daag Vasteloâvendj, al mieër dan 46 joar.

Vanaaf toen weurdj de Vasteloâvendj mer op ein meneer geveerdj en det is saame, saame bâl maake en plezeer belaeve tiedes de Vasteloâvendj in Tungelder.

Dit is noeë auch nog trögk te zeen in ‘t sezoên, dînk aan’e sjoeëne en lange optocht, veere van’e Boôrebroeleft en ‘t herste aete op moandjigmöäre (feitje: 700 herste). Eigelek doôn wè alles saame in oos Bokkeriêk en det mèt plezeer hoeëg in ‘t vaandel.

Dus ich stèl veur det wè saame mèt ooze Groeëte Prîns en’e Jeugdprîns en neteurlek oos eige Boôrekepél De Baereliejers d’r weer ‘n geweldjig sjoeën sezoên van goân maake. Gaer zeen wè uch dan auch trögk biej ein van oos akteivieteite om dan mèt z’n alle unne dikke polonais te laupe.

3 Kieër alaaf veur ‘t Bokkeriêk.

Vorst Ruud